防止衰老的妙藥

在外國地方, 圍繞著女性的話題肯定係皮膚保養, 尤其是點樣令自己後生些, 減少皺紋. 她們會試盡所有方法, 花很多錢去買防衰老產品, 但是最終效用非常小, 廿幾歲的看上去似三十幾, 三十幾就似四十幾. 她們每次見到中國人都會好驚訝點解我們好似唔會老咁, 唔明點解.

其實原因和方法好簡單 -

1. 無論冬天或夏天唔該唔好成日要曬太陽
2. 當夏天有三十幾四十度而濕度得9%時, 就唔好坐在戶外"乾蒸"
3. 飲少啲酒啦.
4. 明明係白種人, 就唔好將自己曬到變紅種人 !!

辛苦的一天

今日好鬼忙，忙到谷鬼氣四時就關門，收鋪後又累又唔想返去煮飯食，於是決定出街食buffet當獎勵一下自己。

叫餐時啱啱諗起蔡瀾講過T-bone好食，於是決定試下，原來真是幾好食。

不可理喻的忙

今日我們開門做生意, 估計全世界都休息, 只有我們開門, 一係就靜到鬼, 一係忙到死, 不過都應該得熟客幫襯. 點知開門後九成係生客 !!! 其實我真係唔明,究竟他們在邊度來? 成個 village都無鋪頭開門, 而且我相信大部份人都應該知道聖誕新年所有鋪頭都會休息數個星期, 唔通佢地故意來試運氣? 那為什麼熟客又唔會咁做? 真是唔明佢地的心態.

聖誕節的假期

通常這裡的聖誕節都係靜靜的，街上都冇人，於是諗住不如趁機去其他地方行下，點知在freeway居然塞車..., 真係跌眼鏡

我老婆第一部iPhone

終於出了iPhone, 重要係兩部。起初我老婆話對iPhone無興趣，我同佢講「你一用iPhone就會覺得其他電話唔好用」，佢開頭唔信，點知一用就機不離手...

People becoming more stupid... what is happening?

今日出去食午飯, 泊了車後買ticket時無端端有個男人走來問我係咪住喺perth, 我話係, 跟住問我係咪喺度做野, 我話係, 跟住開始講佢的不知所謂的故事.... 佢話佢認識香港一個賽馬會的騎師, 喺sydney做外圍, 每年賺幾百萬, 來了perth後掛住去casino, 輸哂錢, 無錢走. 想揾我做艇仔, 每日賺五百元.....

究竟佢係傻到我會信佢, 定係蠢到會喺條街到揾艇仔?

超辛苦的DIY修理洗衣機

最近部洗衣機好大聲, 要白天洗衫, 因為怕煩到隔離屋. 覺得唔係辦法, 一定要整整. 上網搜尋些資料, 發現大聲係因為bearing壞了. 如果叫人整分分鐘貴過部新機, 於是決定自己整. 但係過程好辛苦, 用了一個星期時間, 晚晚收工後返屋企整. 最後終於完成. 眼見部機暫時冇事總算冇白廢心機, 又省到錢, 又有成功感.

有心人對Steve jobs的敬意

呢個設計係來自一個叫 J. Mak 的個人blog jmak.tumblr.com , 我都係睇報紙報導有一個學生設計了這個logo以表達 Steve Jobs 在Apple的重要性. 其實個設計並唔係什麼驚訝的作品, 但係從個設計可以睇出 J. mak 對 Steve jobs 的尊敬, 佩服, 和心中的地位. 謝謝您, J.Mak. 雖然你我之間互不認識, 但是我對你的心意非常認同, 佩服.

Steve Jobs: 永別啦.

雖然我唔係 Apple Fans, 但係無可否認佢對呢個世界的影響. 是Steve Jobs創造了電子產品的神話. 是Steve Jobs創造了touch screen的smart phone, 是他把其他mp3 player淘汰,是他創造了tablet pc, 是他創造了multi touch, 是他創造了一部可以放入公文袋的mac book air, 也是他挽救了Apple. 他每一種產品不單對全世界的人有重大影響,也影響著整個市場. iPhone 4S 是作為Steve Jobs在生時最後一件代表作, 我相信我會買一部作為對他的敬意. 我們會永遠懷念你的.

Epic espresso

對上一次去epic都差唔多一年前, 講真佢係我覺得唯一一間好飲的 (除了自己嗰間之外), 不過今次去就覺得有啲失望. 我重記得佢的咖啡有一種好特別的香味, 令人想飲多杯, 但是今次冇咗呢種感覺. 不過當然依然好飲過我曾經試過的咖啡店啦. 不過聽說它轉了老闆, 唔知點解呢?

小囡又返工啦

難得今日天氣好, 終於決定帶小囡返工. 我知佢好鐘意曬太陽, 佢終於可以嘆一下

Griffin,一種好得意的狗種

呢種狗我好少見,個種叫 Griffin,意思是怪物, 其實它好細, 同我家的豆豆差不多大.

落雨天真係好正, 人都特別開心

終於落雨啦

我的小囡

有好多人話每日放工返屋企最期待就係俾自己的仔女迎接, 我暫時無兒無女, 所以無呢種期待 , 但係我估我嗰兩隻小狗會更期待, 因為佢地最鐘意喺我哋睇緊電視時喺我地腳上睡覺. 如果我地唔俾佢地就會諗盡辦法叫我地俾佢瞓, 好似咁:

令人討厭的英文

自從喺澳洲住後先發覺其實英文好鬼"硬", 不過就好睇邊個國家, 好似英國的英文聽得好comfortable, 佢地啲語氣好有禮貌, 好mild. 澳洲的英文講野的方式就好直接, 唔理人感受. 例如英國人去餐廳食野, 如果覺得某啲野貴佢會話"呢樣對我來說比較貴, 有冇其他選擇?" 換做澳洲人會說"我係唔會用呢個價錢買呢樣野" 最後搞到大家冇下台的空間.

British: this is a little pricey for me, do i have other options?
Aussie: i'm not paying this money for this.

澳洲議員用公費叫雞? 重要用公司credit card?

其實呢啲野每個國家都會發生, 但是最令我疑惑係妓院會咁先進收card? 咁credit card statement會點寫?

unrefined的澳洲人?

我有一個朋友, 佢係澳洲藉的英國人, 佢話澳洲人係unrefined. 老實講, 我喺澳洲住咗咁多年, 我完全明白何謂unrefined, 但係如果我要用一個中文形容詞去解釋 "u.refined", 我又真係諗唔到.... 不如先講下點解佢地係unrefined. 講真, 澳洲絕對唔係一個落後的國家, 有好多野佢地發明出嚟到而家都無地方做到. 1. 香港人每個人都有一張的百達通係Perth一間公司發明的. 2. 澳洲的所有公共交通工具都有時間表, 每班車都會準時到站, 所以好少會見到有條長龍等車. 3. 澳洲好早已經用銀行card俾錢同check數, 香港到今時今日重要排隊打簿仔. 4. 澳洲的流動電話就算喺地底或者升降機都收到, 香港到而家都有盲點. 但係唔知點解佢地會咁.... 1. 無論飲咩食咩都要extra hot, 例如好似咖啡咁, 太熱會破壞晒咖啡的味道, 佢地都唔理, 最緊要burning hot. 講真香港好多餐廳的湯, 咖啡奶茶, 甚至係粥都係溫的, 因為怕熱親啲客. 但係如果喺澳洲如果賣只係溫暖的湯, 肯定俾客投訴. 2. 鐘意唔著鞋. 學生放學後會赤腳周圍玩, 年輕人會唔著鞋去shopping center行街食飯, 中年人會唔著鞋揸車去油站入油. 但係佢地上下半身都係著得ok. 3. 佢地好鐘意晒太陽, 不過佢地唔係想要古銅色, 而係全紅色, 重要帶住太陽眼鏡去曬, 結果係由白人變成紅人但係就有個白色的眼鏡印. 其實係人都知紫外線會致癌, 尤其是澳洲的太陽係數一數二的, 不過佢地一於少理.

原來醫生講的野係對的

由細到大每次感冒去睇醫生, 醫生都係話"休息多啲, 飲多啲水, 過幾日就冇事", 慢慢覺得感冒睇醫生好騙錢, 于是之后有感冒都冇再睇醫生. 終于有一次感冒, 一病就六個星期, 去睇醫生時重發現有肺炎, 要食抗生素. 病終于好了. 為怕再有感冒, 于是決定打感冒針. 點知打針后三個星期再有感冒...


終于為了找出事實的真相我決定去研究一下感冒病毒,原來"感冒"同"流感"係兩樣野. 人受了病毒感染係冇藥食, 要靠自身的免疫力去殺毒, 多飲水同休息可以增加我們免疫系統的力量, 只有咁先可以快啲好, 而且感冒時有流鼻水, 咳, 發燒都係指免疫系統已經做緊野, 所以我們唔應該食太多藥去阻止.

P.S. 親愛的醫生, 誤會了你地真係唔好意思..

有臭味的廚師???

剛剛認識了一位廚師, 係兩間出名的餐廳做, 但是他有一個好令人討厭的問題, 就係他身上有一種好怪的臭味, 每一次聞到都想嘔, 好難想象他係一個煮野好吃的人.

當然我完全明白咩叫"人不可以貌相", 但是講真作為一個廚師最基本的條件係有一個靈敏的鼻, 如果唔係自己煮完后都唔知可唔可以上桌, 如果他連自己的氣味都唔知道或者唔覺得有問題, 那他的食物我們又有咩期待?

當然他工作嗰兩間餐廳我就一定唔會去啦.

失眠？？

已經好多個星期冇睡得好, 唔係睡唔著， 而係睡著時不停做夢, 攪到好似冇咩睡過咁.. 不過昨晚終于好少少, 起碼冇咩做夢.

已經斷咗咖啡三日, 好懷念我杯咖啡...

史上最貴的 espresso

現在最貴的咖啡是貓屎咖啡,要百幾蚊港幣一杯, 但如果一杯 espresso 要 $50 euro 你又信唔信?

Published with Blogger-droid v1.7.2

7.1 游行

每年 7.1. 都有大游行, 不過今年比較大. 其實香港人都幾難服侍, 冇錢派時又話點解澳門年年有錢派但是香港冇? 到有錢派時又話派得唔正確....

其 實香港人已經好幸福啦, 起碼政府有咩做得唔好你地都可以上街爭取, 喺澳洲根本冇可能. 好似現在澳洲政府加50%電費, 冇人可以抗議, 瘋狂加水費, 煤氣費, 各項政府費用, cut 津貼 等等... 澳洲人只會吞咗呢口氣, 因為政府一句話 " 我地議會通過了, 冇人可以反對" 就已經冇人可以出聲..

所以你地可以上街反對已經好幸福啦...

應否同情??

今日睇報紙報導一啲關于無家可歸的人. 佢地每日都喺City附近生活, 依靠慈善組織去幫助和關心. 每次聽到呢啲報導都會覺得佢地好可憐, 好想援助佢地. 但是有一樣野我地可能冇想過, 就是佢地的情況係環境做成, 定係佢地自己做成???

我 見過有一個獨臂的人喺油站做收銀, 冇腿的開計程車 (架車改裝過), 盲的做推拿, 弱智的做waittess, 但是睡街的居然係有手有腳, 冇殘廢, 冇智力問題的人, 每日喺度抱怨冇工開, 冇工作能力, 又有家庭問題, 所以要睡街, 如果佢地喺香港都情有可原, 因為喺香港工作艱難, 但是喺澳洲我就唔覺得有問題..

點解人地有咁多身體殘疾的可以自力生活但是你唔得??

第時當你想幫人時記得幫一啲真係有需要的, 而唔係嗰啲只識抱怨的懶人.

電影的看后感

昨天晚上睇咗一套電影叫 Frozen, 係講三個青少年喺圣誕節去咗一個地方滑雪, 有風暴到來但是佢地唔聽提醒照坐纜車上山滑雪, 結果山下的工作人员唔記得有人上緊山而關了纜車, 嗰時佢地喺山腰, 唔上唔落, 又因為太高唔可以喺車上跳落去, 結果.....

好多人尤其係外國人, 佢地都特別"唔識"死, 永遠覺得壞事唔會發生喺佢地身上, 到真係發生咗后就只識講"Oh My God". 做事唔想后果.

老實講, 佢地有事時冇人會同情, 最緊要係唔好"累”人..
(咁講好似好冇人性, 但是現實係咁..)

熱到電表爆炸啊 !!

昨天星期四大約三點幾, cafe 突然冇電, 走去睇下咩事, 點知四處都係煙焦味, 去電表睇下, 已經見到幾個樓上的職員圍住個電表話著咗火. 幾分鐘后消防隊來到, 佢地話會 standby直至電力公司啲人來修理.

結果就係我地早一個鐘關門..

我估係因為天氣又熱又潮濕, 所以短路... 幸運冇停架車喺電表前面 !!

好潮濕啊 !!

第一次Perth會有一個潮濕的夏天.... 雪柜全部都係水...

干熱變咗濕熱??

昨天有成40'C, 如果係干熱都好啲, 但是係潮濕的熱.... 同喺香港有咩分別?? 都係又熱又濕, 成身汗, 最討厭重有個無敵太陽....

好懷念冬天的時間...

好有趣的廣告..

剛剛我個Staff介紹一個好好笑的廣告...

http://www.youtube.com/watch?v=R55e-uHQna0

當然個廣告好有趣, 但是令我到難以相信的係呢個廣告係喺歐洲, 但是個廣告傳開到 Perth... 所以應該話啲 Marketing 的人真係驚人!!

蠢的賊定係精的賊?

昨日去買報紙時發現報紙店被爆竊, 警察喺度搜集證據 (我開頭以為佢地只識捉車). 今天去買報紙時問老板娘, 佢話我知班賊冇爆門或玻璃入去偷野, 而係開架車撞墻, 不過最好笑係佢地冇偷電腦, 收銀機冇錢所以都冇偷, 只係偷咗全部香煙同幸運括括卡..

佢地攪到咁大劑開車撞墻只係偷呢啲野?? 你話係聰明定係蠢?? 如果喺香港呢啲賊一定被警察笑到臉黃..

唔知佢地整返架車要駛幾錢呢??

超級便宜的早餐

Perth的早餐出名好貴, 平均都要AUD15+ 一個唔包咖啡. 想食一個價廉物美的好難.. 估唔到 IKEA 提供的早餐會咁便宜..

個早餐只是$3.95, 質量ok架, 又有免費停車, 又有美麗的風景.

西澳都感受到 Yasi的威力...

昨日天氣預報話昨晚同今日明天都會好大風, 本來唔知點解, 不過有個客話我知係個風一直吹到來西邊.. 睇來下次個風如果再強啲分分鐘真係會打到來...