怪人

我在咖啡室時遇到一個怪人。佢每次一個人來，自己拿一份報紙，倒一杯水，找一張枱坐下，然後一直看報紙，有時一坐就一小時，看完後會走去counter，然後用一把像機械人的聲音「叫你給他厠所的鎖匙」，注意我用「叫」字係因為他係叫你做而唔係問你可唔可以。去完洗手間就會將條鎖匙「掉入」你的後門，跟住就走了。

講到這裡有無發覺有些事無了？就係佢從來唔會在咖啡室買任何東西。

其實有時我真係唔明，佢究竟點生活？佢無與人溝通的能力即係唔會有工作，就算政府養佢但佢邊夠錢生存？就算夠政府都會迫佢找工。

佢真係澳洲特產呀。

我妹妹做了媽媽了

經過九個月的辛苦時期，我妹妹總算平安誕下第一個女兒Tasha, 我作為哥哥和舅父最大遺憾就係不能參與bb誕生的過程。因為雖然我身在澳洲，但是好奇怪地我心裡有種莫名其妙的感受，好似感受到我妹妹的心情。

當然最奇怪的感覺莫過於見到自己的妹妹終於變成媽媽，而自己的父母變成外公外婆。

不過成為父母後就有一條很長的路要走，希望他們一家事事順利。

財富or健康

我認識一個人，他係名人之後，家族非常富有，但好可惜他有病，而且個病係無藥可醫，而個病會令他在公眾場合失禮，甚至會影響他的正常社交。最後他的家族也將他送到外國讓他自己生活。究竟我應該羡慕他還是可憐他？

冬天到了

六月一號，亦是冬天的第一天。天氣唔算冷，日間太陽好好，係夜晚比較冷。
還記得在香港時的冬天真係凍到入骨. 就算穿了厚厚的羽絨外套也感到啲風吹入身。這裡就冇這種感覺。就算再凍穿多件衫就可以了。

這裡冬天早上有一個好靚的景象，就係草和樹上都會有一股白煙蓋住，希望我可以影到相。

終於落大雨

昨日天氣報告話會開始下雨, 但是鬼咁好太陽, 一直到睡覺時終於落大雨, 亦令本來睡覺的我開始擔心冬天來臨時後花園會否因雨太大又水浸...

開始擔心問題, 腦子也開始想方法, 看來又要開始一個新工程啦.

好掛住阿Man...

最近腦子裡不時閃過阿 Man的樣, 有些掛住他. 我有問過自己, 如果再有機會,會否再養 cocker spaniel, 其實都會的, 不過一定會選細隻些和一定要女仔.

不過無論如何, 我相信而家阿man同新主人一定好開心.

Difference of Imperial Glass and GT glass

For those of you who need glass replacement, and not too sure which one to choose. Here is a comparison of Imperial Glass and GT glass (they came to replace the windows for me)

              

       




       Imperial Glass                                                          GT Glass

1. They call you up before they come                      They just come without calling

2. They do their job quietly                                        They use hammer to do their
                                                                                     job.

3. They tried to do their job without affecting          They tried to get everyone

    other people                                                           out of their way

4. They will try to replace any signs fixed on           They simply throw away the

    the old glass to the new one and explain             old glass and the signs are

    if they can't do it. They even cut the piece           not their concern.

   of the old glass with the fixed sign and polish

   all edges and hand back to you.

5. They will give you their card, insurance                They give you nothing but

    claims form, some pens as gift by the end of      remove othercompetitor's

    job.                                                                            sticker/signs.

 

澳洲的敏感症

最近看報紙有報道關於敏感症的人通常的致敏源是那幾種，但我覺得相比澳洲人的致敏源就小毛見大毛。

澳洲人最普遍的致敏源有花粉，雞蛋，牛奶，花生等等，但更加奇特的有黃豆，面粉，面筋...但好奇怪，無人對酒精敏感。可能對他們來說不能喝酒倒𣎴如去死，所以無緣見到吧。

點解他們會對以上東西都敏感？我左想右想都無答案，關於飮食? 這裡的食物已算好天然啦，環境? 這裡少人，空氣又好，算好接近大自然啦。如果這些都是原因，生活在香港這些大城市的人不是會有更多問題嗎?

最後終於想到啦，究竟澳洲有什麼與別不同又可能會影響到人的基因而令下一代有問題? 答案係太陽！

澳洲的太陽相比其他國家是特別厲害，紫外線全年也是危險水平。可惜是澳洲人從出世開始就喜歡不停曬太陽，bb時父母帶去用餐坐露天曬，讀幼稚園時就在特強的太陽下玩耍，讀high school時就每日在太陽下打波，到大學時就去海灘游水，畢業後出來工作有時間就去餐廳曬住太陽食飯飲咖啡，人到中年就曬住太陽剷草整garden，就算不幸地在中途得了皮膚癌(當然是因為曬得太陽多）醫好後都無阻他們繼續曬，我好相信幾十年來曬太陽的結果係已經影響到自身的基因，然後遺害下一代。

各位，曬少些啦。

無辜的市民vs無能的警察

我今早買報紙時好似平時的看了看頭條, 但是內容真是令我好嬲. 昨日發生了一件慘劇: 有一架Audi在Applecross被偷, 警察奉命追捕, 去到Molly附近一個有固定測速的紅燈相機時警車沖紅燈, 撞上一部corolla, 裡面有一對母女, 母親司機其後傷重死亡.

我嬲的原因好簡單, 自以為是的警察又再一次證明他們無任何能力去阻止罪惡發生, 只是識得用納稅人的錢買最貴的超速相機, 然後就躲在車上"執行任務 - 捉快車", 當有罪案發生時就話唔關警察事, 到關佢事時就乜都唔識做, 重害死人.

其實澳洲警察唔識追車已經係人都知, 就在幾天前有一架被偷的車在Brisbane被警察追, 居然追了兩個幾小時, 到最後架偷車停了在商場的停車場才完結. 即是如果架車唔停, 繼續走, 警察不單止追唔到, 可能會撞死幾個人超幾個紅燈.

最過份係警察一哥居然話社會係支持佢地追車, 點解佢唔試下去被撞死的家庭睇下佢地支不支持? 我怕班警察無命走出那家庭的門口.

傷感的一天, 朋友要走了

本來生活在世界不同的國家的人, 因為咖啡而認識, 可惜最後還是要離開澳洲. 我希望他回Dubai後生活愉快, 希望將來有機會去Dubai再敘吧.

龍年的第一餐

今年的西曆新年和農曆新年都在星期一, 巧合地我們都放假, 所以可以慶祝一下. 最終決定去burswood食buffet lunch.

講真食物比以前多了好多, 環境又舒服了, 當然價錢都貴了, 不過如果食lunch都還可以
接受, 食dinner就太貴了.

我最欣賞呢個, 新鮮蜜糖在honeycomb慢慢流落個碗到, 我食飽後攞了少少去沖蜜糖水, 滿足

 有新鮮的waffle, 放個雪糕在上面一齊食, 正!

Burswood Hotel 入面的竹樹生菇 ！！

選擇困難症

你在日常生活有無發覺你有以下的情況:
1. 去餐廳食飯只會揀多人，有條長龍的餐廳；
2. 入了餐廳後去了一張枱準備坐低時又會想轉另一張枱;
3. 最後揀了張上一枱客剛剛走，枱都未執的, 但是附近有枱係乾淨的；

好多人成日投訴去邊度都係好多人，但是你自己有無發覺其實係你自己的問題？因為你有選擇困難症！

去搵地方食野總是要搵要排隊嗰間，你自己可能會反駁「咁多人排隊食物一定好！」但係如果你問一下條人龍的人點解要排隊，可能佢地的答案同你一樣。

你自己又有無選擇困難症呢?

2011除夕和新年第一天

寫這篇文章也寫到煩, 因為每次寫完後都變成亂碼, 跟著又要重新寫過.

今年除夕和新年算過得好, 除夕晚出外和朋友吃晚飯, 跟住在northbridge走走, 感受一下除夕的氣氛, 然後到casino倒數, 到了零時零分居然有煙花睇, 算是2012年的第一個surprise.

這晚比我想像中更多人, 在casino多人得無法進場, 幸好我們早到. 放煙花的地方很近, 震撼感更強, 正!

新年的第一天我們就決定整個靚靚brunch, 在家好好享受新年第一餐, 跟住開車到海邊呼吸一下新年第一日的空氣. 不過好多人.