2 CAFE, Darlington

經過超過半個鐘的車程，和一段上山路後，來到呢間cafe, 叫 2 Cafe. 風景真係好靚，四周圍俾樹包圍住. 而因為間cafe在山上，有種居高臨下的感覺. 間cafe好骨緻，坐在出面享受大自然的寧靜真係好舒服，唯一美中不足係杯咖啡真係好難飲... 如果有錢，在高山上建一間屋，每日開住架靚車落山都應該幾正.. (好明顯中了Tony Stark毒).

怪人

我在咖啡室時遇到一個怪人。佢每次一個人來，自己拿一份報紙，倒一杯水，找一張枱坐下，然後一直看報紙，有時一坐就一小時，看完後會走去counter，然後用一把像機械人的聲音「叫你給他厠所的鎖匙」，注意我用「叫」字係因為他係叫你做而唔係問你可唔可以。去完洗手間就會將條鎖匙「掉入」你的後門，跟住就走了。

講到這裡有無發覺有些事無了？就係佢從來唔會在咖啡室買任何東西。

其實有時我真係唔明，佢究竟點生活？佢無與人溝通的能力即係唔會有工作，就算政府養佢但佢邊夠錢生存？就算夠政府都會迫佢找工。

佢真係澳洲特產呀。

我妹妹做了媽媽了

經過九個月的辛苦時期，我妹妹總算平安誕下第一個女兒Tasha, 我作為哥哥和舅父最大遺憾就係不能參與bb誕生的過程。因為雖然我身在澳洲，但是好奇怪地我心裡有種莫名其妙的感受，好似感受到我妹妹的心情。

當然最奇怪的感覺莫過於見到自己的妹妹終於變成媽媽，而自己的父母變成外公外婆。

不過成為父母後就有一條很長的路要走，希望他們一家事事順利。

財富or健康

我認識一個人，他係名人之後，家族非常富有，但好可惜他有病，而且個病係無藥可醫，而個病會令他在公眾場合失禮，甚至會影響他的正常社交。最後他的家族也將他送到外國讓他自己生活。究竟我應該羡慕他還是可憐他？

冬天到了

六月一號，亦是冬天的第一天。天氣唔算冷，日間太陽好好，係夜晚比較冷。
還記得在香港時的冬天真係凍到入骨. 就算穿了厚厚的羽絨外套也感到啲風吹入身。這裡就冇這種感覺。就算再凍穿多件衫就可以了。

這裡冬天早上有一個好靚的景象，就係草和樹上都會有一股白煙蓋住，希望我可以影到相。

終於落大雨

昨日天氣報告話會開始下雨, 但是鬼咁好太陽, 一直到睡覺時終於落大雨, 亦令本來睡覺的我開始擔心冬天來臨時後花園會否因雨太大又水浸...

開始擔心問題, 腦子也開始想方法, 看來又要開始一個新工程啦.

好掛住阿Man...

最近腦子裡不時閃過阿 Man的樣, 有些掛住他. 我有問過自己, 如果再有機會,會否再養 cocker spaniel, 其實都會的, 不過一定會選細隻些和一定要女仔.

不過無論如何, 我相信而家阿man同新主人一定好開心.